- Мағлубиятларимизнинг сабаблари кўп. Биринчидан сафимизда тўп тепаётга футболчиларнинг барида чарчоқ аломати сезиляпти. Ундан кейин, бизнинг терма жамоа асосан 21 ёшли футболчилардан ташкил топган, рақибларимиз эса 23 ёшдаги ўйинчилар. Буни ҳам инобатга олиш лозим. Ўзимни ўйинимга келсак, бу жамоада биринчи маротаба тўп тепаётганим учун футболчилар билан ўзаро тушунишимиз қийин кечяпти. Барчага маълум бу жамоа ўз ўйинини асосан ҳимоядан бошлаб қуради. Мен эса ҳужумкор жамоада тўп тепганлигим учун, улар билан тушинишимиз қийин бўляпти. Ҳужумга киришиб кетаётган пайтимда олдимда мени қўллаши лозим бўлган ўйинчилар ҳали ҳам ортда бўладилар. Бунақада гол уриб бўлмайди ахир.

- Лекин бу Гонконг билан бўлиб ўтган ўйиндаги мағлубиятга бахона бўла олмайди. Ахир бу Гонконг!
- Тўғри бу гапингизга қўшиламан. Лекин футболда ҳамиша сенсация бўлиб келган. Менимча биз шундай сенсация асосида мағлуб бўлдик. БАА эса биздан бир калла устун эди. Шунинг учун ҳам уларга мағлубиятга учдардик. - Нима учундир Осиё ўйинларида, ОЧЛ ва Ўзбекистон чемпионатидаги Одил Аҳмедовни кўрмаяпмиз?
- Биласизми, футболни қўрқиб ўйнаш керак эмас. Майдонга тушишдан асосий мақсад гол уриб ғалаба қозониш. Рақиб қанчалик кучли бўлмасин олдинга, фақат олдинга бориш лозим. Нима учундир жамоадошларим коптокни ўзларида сақлашдан қўрқадилар. Нимага, билмадим. Тўп уларга тушиши билан олди орқаларига қарамай тепиб юборадилар. Мухими тўпни жарима майдончаси ичидан узоқроққа чиқариб юборсалар бўлди. Ахир қандай қилиб гол урамиз? Тўп менга тушиши билан нима қилишни билмай қоляпман. Ўз услубимга кўра тўп тепишга ҳаракат қиляпман, лекин бу ердаги вазият терма жамоа ва "Пахтакор"дагидан тубдан фарқ қиляпти. Биласиз, бугунги кунда комбинацион футбол ривожланиб боряпти. Кичик паслар билан рақиб жарима майдончаси ичига кириб бориш лозим. Тўпни ўзимда сақлаган ҳолда жамоадошларим билан пас ўйнайман десам, улар тўпни қабул қилишдан чўчияптилар. Атийдан қилгандек, "очилиш" ўрнига рақиб футболчисининг ортига беркиниб оляптилар. Натижада, мен тўпни йўқотяпман. Ахир бир ўзим бутун жамоани алдаб ўта олмайман-ку! Биз футбол ўйнаяпмиз. Демак, олдинга чиқиб гол уришимиз керак, бўлди вазифамиз шу. Ҳар бир учрашув давомида ўйинчиларни олдинга бошлаяпман, афсус бу ҳам ёрдам бермаяпти. Уларга гапиравериб чарчадим.


Нодирхўжа Юлдашев суҳбатлашди


manba:championat.uz 153